Zorionak ikasleei, gurasoei, irakasleei… Aipamen berezia ikastolako mendi irteerak antolatzen dituen guraso taldearentzat, Martxan duten blogean mendira joaten ez garenak ere, ibilaldiak jarraitu ahal ditugulako.

Irakasle asko izan da merezimendua izan duena, baina Arantza De Juan nabarmenduko dugu, denbora luzez, bere ardura izan baita hau dena. Zorionak Aran! Eta Gorka, eta Angel, eta Mikel, eta Maite, eta Manu eta… Mila esker, zuen ondoan denok garelako garaile!

Eguneroko lanaren berri gure ikasle ohi batzuk ateratzen diren honetan ere ikus dezakegu. Zorionak, Eñaut! Zorionak, Ana! Zorionak, Odei! Zorionak, guztioi!

1268an, Alfontso X.a Jakintsuak hiri pribilegioa eman zion Ordiziari Hiri-Gutunaren bidez. Agiri hori eta XIX. mendean egin zitzaion kopia berritu egin dira. Udalatxea berritzeko obrak hasi aurretik, etxe barruan zeuden bi agiri horiek atera ziren eta berritzeari ekin zitzaion.

Tolosako Gipuzkoako Artxibategi Nagusiko zuzendari den Esther Escalante izan zen Hiri-Gutuna berritzeko proposamena egin zuena, berak jaso baitzuen artxiboan gordetzeko ardura, udaletxeko obrak irauten zuten bitartean.

Aholku hori kontuan hartuta, Ordiziako Udalak Barbachano&Berry enpresa adituari eskatu zizkion, bai jatorrizko agiria berritzeko eta baita bere kopia ere berritzeko lanak.

Zaharberritzaileek bi piezak desinfektatu eta garbitu dituzte, zuten zikinkeria eta onddoak kendu dizkiete. Azaleran zituzten deformazioak zuzentzeko hidratatu dituzte eta hiltzeek sorturiko euskarri-galerako zatiak konpondu ere bai. Azkenik, karpeta moduko muntaia egin dute gorde ahal izateko, azidorik gabeko materiala erabiliz eta erradiazio ultramoreak galarazteko. Ez dituzte testuak ukitu, beste tinta eta trazuak erabiliz gero, balioa gutxituko litzaiekeelako, nahiz eta Pedro Barbachano zaharberritze talderaren arduradunak esan, “bien ala biak oso egoera hauskorrean zeudela tintei erreparatuz gero, argiak eragindako kalteengatik, batez ere”. Markoak ere berreskuratu egin dira, testuen edukiontziak egokituz.

Jatorrizko dokumentua edukiontzi berezi batean gordeko da, babestuta egon dadin; beraz, ez da berriro Batzar Aretoan jarriko. Behin Udaletxea berritzen denean, Batzar Aretoan jarriko dena XIX. mendeko erreprodukzioa izango da. Berritze-lan horrek 6.000 euro baino gehiagoko kostua izan du eta erdia baino gehiago Gipuzkoako Foru Aldundiaren diru laguntzaz finantzatuko da.

Iritsi da eguna. Bihar, abenduaren 13an, 18:00etatik aurrera, Euskararen Gizarte Eragileen Kontseiluak Barakaldoko BEC-en egingo du ospakizuna.

Euskara Euskal Herriaren berezko hizkuntza da eta bertan izan dezakeen garapenaren baitan bakarrik ziurta daiteke bere biziraupena. Euskarak etorkizuna behar duelako, iraungo duen hizkuntza izatea nahi dugulako eta euskal herritar guztien hizkuntza izatea nahi dugulako, ezinbestekoa da euskararen garapena ziurtatzea.

Zorionez, nahiz eta euskal jendartean osoki euskaraz bizitzeko aukerarik ez egon, gaur egun, neurri handi batean euskaraz bizi den jendarte zabala dago. Euskalgintza bilgune da euskaraz bizi den jendarte horrentzat. Hortaz, euskaraz bizitzea da gure aukera. Aukera hori hartu dugunontzat euskaraz bizi ahal izateko baldintzak sortu nahi ditugu eta horretarako ari gara lanean euskalgintzan. Horregatik ere hizkuntzarentzat esparruak garatu eta zabaldu nahi ditugu; geure bizitza euskaraz normaltasunez egin ahal izateko.

XXI. mendearen hasieran euskarak bizi duen egoeraren aurrean, Euskararen Gizarte Erakundeen Kontseiluko Batzar Nagusiak oinarrizko irakurketa hau egin du, euskararen egungo egoeraz:

• Egindako lanari esker euskal herritarren euskararen aldeko jarrerak azken hamarkadetan bilakaera baikorra izan duela ukaezina da. Gehiengo zabalaren jarrera euskararen aldekoa da, euskararen zabalkundea eta normalizazioa lortzearen aldekoa. Baina euskararen garapena nahi baino mantsoago ari da gertatzen.
• Euskal Herriko biztanleen laurdena euskalduna da. Azken hamarkadetan egindako ahaleginak euskaldunen kopurua handitzea ekarri badu ere, handitze hori ez da izan euskararen normalizazioa bermatzeko adinakoa.
• Erabileran ere hazkundea gertatu den arren, egoera normalizatuak izango lukeen erabilera mailaren azpitik gaude oraindik.
• Euskaldunok euskaraz bizitzeko dugun eskubidea ez dago bermatuta, eta nabarmenak dira egunero sortzen diren ezintasunak. Euskal Herriko hainbat eremutan, euskaraz bizitzeko aukera dagoenean, euskaldunak ahalegin gehigarria egin behar du hori lortzeko, ohiko funtzionamendua, lehenetsitakoa, erdaraz garatzen delako.
• Abagune honetan, euskalgintzak elkarlan-jarduera aberasgarria eraiki du. Elkarlan-giro horren emaitza oparoa da euskarari emandako bultzada, ehunka gizarte-eragileren ekarpena eta instituzioengan lortutako eragite-lana. Aurreratutakoa kontuan izan eta normalizaziora iristeko bidea falta dela gogoan hartuta, oinarrizko ildo hauek jarraituko ditugu etorkizunera begira:

1. Euskararen berreskurapen-prozesua azkartzea ezinbestekoa da. Hau da, egun Euskal Herrian euskara ez dakitenek ikastea, eta, bere erabilera esparru eta eremu berrietan handitzea, ahalik eta eperik laburrenean. Ezagutza eta erabilera zabaltzeko aukera berriak sortzen jarraitu behar dugu.
2. Funtzio sozial guztiak euskaraz garatzeko aukera lehenbailehen lortzea ezinbestekoa da, horrela lor baitaiteke euskararen normalizazioan urrats benetakoak egitea.
3. Euskara lehentasuneko hizkuntza izatea lortu behar dugu, horrela ziurta baitaiteke euskaldunen eta biztanle guztien hizkuntza eskubideak bermatuta izatea.
4. Hori guztia egiteko lan politiko-instituzionala eta lan soziala bideratu behar dira, biak ere norabide berean. Erakunde instituzionalek, eragile politikoek, ekonomikoek eta sozialek, norbanakoek eta euskalgintzak norabide berean lan egitea ezinbestekoa da, guztion arteko lankidetzak ziurta baitezake euskararen geroa eta Euskal Herri euskalduna.

Euskararen Gizarte Erakundeen Kontseilua osatzen dugun eragileok euskararen eremu osoan euskaraz normaltasunez bizitzeko ari gara lanean. Etorkizunerako, euskalgintzan ari garen erakunde eta lagunok lanerako ilusioa eta grina dugula berretsi nahi dugu. Ahalegin horretan batera jarduteko gonbita luzatzen diegu jendarte-eragileei, erakundeei, eta gizarteari oro har.

Amaitzeko, Kontseiluak 10 urte hauetan euskara ikasi, erabili, zabaldu eta horren aldeko hautua egin duten jendarte-eragile guztiei eta pertsona guztiei zorionak eman nahi dizkie.

OHARRA: Ekitaldirako sarrerarik gabe bazaudete oraindik, lasai egon! BEC-en hartu ahal izango dituzue doako sarrerak. Izan ere, ez dugu nahi inor kanpoan gera dadin eta denontzako tokia izan dadin ahalbidetuko du Kontseiluak.

Eta etorri da!

[kml_flashembed movie="http://www.youtube.com/v/eLykeVHROFE" width="425" height="350" wmode="transparent" /]

Beste helbide batzuk:

• ENE 2007
• Euskararen erabilera 2007-2008an

Hegoak ebaki banizkio

nirea izango zen…

Ez zuen alde egingo.

Bainan honela ez zen gehiago txoria izango,

eta nik txoria nuen maite….

[kml_flashembed movie="http://www.youtube.com/v/YOkv1rRfdhA" width="325" height="250" wmode="transparent" /]

[kml_flashembed movie="http://www.youtube.com/v/0NW7CZxOxhI" width="325" height="250" wmode="transparent" /]

• Albistea Garan
• KOMAren bertsioa

Datak: Azaroaren 25etik (asteartetik) azaroaren 28 (ostirala) bitarte, biak barne.

Lekua: Ordiziako Barrena jauregian.

Parte-hartzea irekia izango da.

Kongresu honekin amaituko da Andres Urdanetaren jaiotzaren V. mendeurrenean  Ordizian egiten ari den ekitaldi saila. Izen handiko zientzilariak arituko dira Itzulbidaia aurkitu zuenaren inguruan, bihar Ordizian hasiko den kongresuan, Europa, Amerika eta Asiako ospe handiko kultura eta hezkuntza erakundeetatik etorritako adituak bilduko baititu.

Kongresua 3 multzo tematikoetan gauzatuko da eta hauetako bakoitzean 3 hizlari arituko dira, gutxienez, Urdanetaren inguruan ikertu dutena denon aurrean azalduz.

Horretaz gain, saio bakoitzean beste ikertzaile batzuk ere testuinguru horri buruz eginiko 2 edo 3 lan edo komunikazio aurkeztuko dituzte, era berean.

Hementxe jarriko dizuet egitarau osoa:

Kongresuaren helburua Andres Urdanetari buruzko ikerketaren egoera aurkeztea da. Horrela, Urdanetaren balio zientifiko eta diplomatikoen birbalorazio eta errekonozimendua bultzatu nahi da.

Gure helburuak kontinente eta unibertsitate ezberdinetako espezialistek materia honetaz dituzten jakintzak nahiz iritziak elkartrukatzea da, eta hizlarien partetik, baita komunikatzaileen aldetik ere, Andres Urdanetaren figurari argi gehiago emango dien ikerketa berrien difusioa erraztea.

ASTEARTEA, AZAROAREN 25A

• 16:00- Harrera eta dokumentazio bilketa
  
• 16:30- Kongresuaren inagurazioa
  
• 17:00- Kongresuaren inagurazio-ponentzia: ISACIO RODRÍGUEZ RODRÍGUEZ (Aita agustindarra eta Urdanetaren ikastuna): Apunte biográfico sobre Andres Urdaneta.

I. multzoa: Urdanetaren jatorria. Loaysaren bidaia. Moluka irletako auzia eta Portugalekiko tirabira.

• 18:00- MANUEL LOBATO (Instituto de Investigaçao Científica Tropical, Lisboa): Acción política de Andrés Urdaneta y su descripción geo-antropológica de las islas del Maluco.
  
• 19:00- I. multzoko komunikazioa.
  
• 20:00- Eztabaida.
  

ASTEAZKENA, AZAROAREN 26A

• 10:00- PATRICIO HIDALGO NUCHERA (Madrileko Unibertsitate Autonomoa): La figura de Andres Urdaneta en la historiografia indiana, conventual, documental y moderna.
• 11:00- JUAN GIL FERNÁNDEZ (Sevillako Unibertsitatea): Andres Urdaneta en su entorno vasco.
• 12:00- Atsedenaldia.
• 12:30- I. multzoaren komunikazioa.
• 13:30- Eztabaida.
  

II. multzoa: Urdaneta Gaztelara itzuli zenekoa eta espezien kontrolaren gaineko liskarrak. Espainia Berriko egonaldia eta Filipinetarako bidaiaren prestaketak.

• 16:30- JOSÉ RAMÓN DE MIGUEL BOSCH (Donostia): Las dificultades del tornaviaje de Urdaneta.
• 17:30- II. multzoko komunikazioa.
• 18:30- Eztabaida.
  

OSTEGUNA, AZAROAREN 27A

• 10:00- JOSÉ ANTONIO CERVERA JIMÉNEZ (Monterreyko Institutu Teknologikoa, Mexiko): El trabajo científico de Andres Urdaneta y el problema de la longitud geográfica.
• THOMAS HILLERKUSS FINN (Zacatecaseko Unibertsitate Autonomoa, Mexiko): Andres Urdaneta y sus años de funcionario de la Corona en la Nueva España.
• 12:00- Atsedenaldia.
• 12:30- II. multzoko komunikazioa.
• 13:30- Eztabaida.
  

III. multzoa: Urdaneta eta Filipinak. Itzulbidaia. Manilako Galeoia eta ekonomian izan zuen eginkizuna.

• 16:30- CRISTINA BARRÓN SOTO (Universidad Iberoamericana, Mexiko): La transcendencia del tornaviaje en el comercio transpacífico.
• 17:30- ANTONIO FRANCISCO GARCÍA-ABÁSOLO (Kordobako Unibertsitatea): Los continuadores de Urdaneta. Vascos en la nueva ruta de la seda (siglos XVI a XVIII).
• 18:30- III. multzoko komunikazioa.
• 19:30- Eztabaida.
  

OSTIRALA, AZAROAREN 28A

• 09:30- AMBERTH R. OCAMPO (Historiako Institutu Nazionaleko lehendakaria eta Filipinako Kultura Ministro ohia): Filipinas y los filipinos en el tiempo de Urdaneta.
• 11:00- TOSHIO OBI (Waseda University, Japonia): APEC: Nueva Unión Económica en la región del Pacífico después de 500 años.
• 12:00- Atsedenaldia.
• 12:30- III. multzoko komunikazioa.
• 13:30- Eztabaida.
• 16:30- J.A. GURRIA (OCDEko Idazkari Nagusia): Titulua zehazteke.
• 17:30- Itxierako ponentzia: LEONCIO CABRERO (Madrileko Universidad Complutense): Alegría, tristeza y ansiedad en la travesía del Galeón de Manila.
• 18:30- Eztabaida eta amaierako sintesia. Kongresuaren itxiera ofiziala.
• 20:00- Donostiako Orfeoiaren Kontzertua. Elizan.

KONGRESUAREN ANTOLATZAILEAK

• Ordiziako Udala eta Sociedad Estatal de Commemoraciones Culturales

KONGRESUKO KOORDINATZAILEAK

• Susana Truchuelo (Kantabriako Unibertsitatea)
• José Ramón de Miguel Bosch

KONGRESUA ANTOLATZEN LANKIDEAK

• Oscar Álvarez Gila (EHU)
• Ana de Zaballa Beascoechea (EHU)

ERAKUNDE LAGUNTZAILEAK

• Erdi Aroko Historia, Historia Modernoa eta Ameriketako Historia Sailak. EHU.

Orain dela urtebete, bere Azken hitzaldia entzun nuenean zirrara bereziak harrapatu ninduen.

Ordiziako festatan Randy Pausch hil egin zela jakin nuen. Berriro zirrara…

Eta egun hauetan liburu dotore bat ikusi dut liburudendetan: Randy Pauschen azken hitzaldia. Ez dut irakurri, baina ikasleei jarri behar diet haren bideo zatia…

Randyk erakutsitakoa ez da eskolan ikasten, baina adibideak ikusten aberastuko garelakoan nago. Heriotza bizitzarako ikasgai garrantzitsua izan daiteke.

Euskararen Gizarte Erakundeen Kontseiluak 10 urte bete dituela eta atera duen adierazpenaren lehen paragrafoa da hori, hamar urteotan lanerako akuilu izan duen helburuaren sintesia. Urteurren horren harira, Euskal Herriko herri ugaritan ari dira Euskaraz Bai astea ospatzen, eta datorrenean Ordiziaren txanda izango da.

Hitzaro Euskara Elkartea aritu da aste horren barruko ekitaldiak koordinatzen, baina herriko elkarte eta talde asko izan dira haien aletxoa jarri nahi izan dutenak: OKE-saskibaloia, OKE-futbola, Oroith abesbatza, Burrunbazale txaranga, Ordiziarrock, Ordiziako Gazte Asanblada, Urdaneta dantza taldea, Jakintza dantza taldea, Goiztiri AEK, Musika eskola, Larrun-Arri elkartea, Irriki kultur elkartea, Urdaneta ikastetxea, Oianguren institutua, Jakintza ikastola, Azen Ordiziako Erraldoien Lagunak, Goierriko Bertso Eskola, Gueske, Goierri Kolore, Udaleko Euskara Zerbitzua eta Hitzaro bera.

Egitaraua

Urriaren 20an

• 18:30. ‘Euskaraz Bai’ erakusketaren inaugurazioa, bertsolariak eta luncha.
• Ondoren. Kontseilua 10 urtez bidea irekitzen hitzaldia Kontseiluko Zigor Etxaburuaren eskutik, Barrena kultur etxean.
• 18:00-20:00. Euskaraz Bai adierazpenaren aldeko atxikimenduak jasoko dira Barrena kultur etxearen kanpoaldean.

Urriaren 21ean

• 10:00. Ikastetxeen giza-katea.
• 19:00. Herritarren giza-katea.

Urriaren 22an

• 10:00-12:30. Dendaz denda, euskara gozo gozo standa ferian. Kontsumitzaileen hizkuntza eskubideen inguruko ekimena, Plaza Nagusian.

• 18:00-20:00. Euskaraz Bai adierazpenaren aldeko atxikimenduak jasoko dira Barrena kultur etxearen kanpoaldean.
• 19:00. Musika eskolako ikasleen emanaldia, Barrena kultur etxearen batzar aretoan.

Urriaren 24an

• 19.00- 21:00. Euskaraz Bai adierazpenaren aldeko atxikimenduak jasoko dira Plaza Nagusian.
• 20:00. Kantu jira Kuxkuxtu txarangarekin, plazatik abiatuta.
• 21:00. Kantu afaria Kuxkuxtu txarangarekin, Plaza Nagusian.
• 23:00. Herriko taldeen kontzertua: euskal abestien bertsioak.

Urriaren 25ean

• 17:00- 19:00. Sukaldaritza ikastaroa, eta ondoren dastaketa, Plaza Nagusian. Goierri Kolore ekimenaren barruko ekintza da.
• 19:00. Burrunbazale txaranga eta erraldoien kalejira.

Urriaren 26an

• 12:30. Oroith abesbatzak gidatutako kantu emanaldia.
• 18:00. Jakintza eta Urdaneta dantza taldeen emanaldia.

Aste osoan

• Erakusketa. Euskaraz Bai erakusketa. Astelehenean 18:30etik 20:00etara, eta asteartetik ostiralera 09:00etatik 13:00etara, eta 16:30etik 20:00etara.
• Kirola. Kirol partidetan pankartak jarriko dituzte kirolariek.

Ez astebete, urte osoa baizik arituko gara euskarari bai esaten, baina oraingo honetan festa antolatzeko eta parte hartzeko garaia da. Animo! Euskaraz Bai!

Punk Bacharach taldeak Burt Bacharach pop musikariaren kantak jotzea omen du helburu, baina punk erritmoan. Dogma Proiekt-ek, berriz, 2004an atera zuten diska. Willis Drumond baionarrek 70. hamarkadako taldeen bertsioak egiten dituzte. The Lucky Punch alemaniarrak ere horretan ari dira -oso dotore gainera- eta alkandora arlotez jantzita aurkeztu ziren kideetako batzuk. Sara bakarlariak kontzertu akustikoa eman zuen Sugar tabernan. Eta Cordura, Disturbio, Nunbait eta Anestesia ere ikusi ditugu. Zarauztarrek gogoz eragin zien beraien txima luzeei eta abeslariak bere ahotsa erabiliz ordezkatu zuen gabezia hori.

Horretaz gain, argazki erakusketa, skatea, grafittia eta umore ezin hobea izan dugu Ordizian.

Primerako eguraldiak lagundu zuen eta rock doinuen dizdira nagusitu zen. Zorionak antolatzaileei!

1986an sortutako taldeak musika, umorea eta errespetua uztartzen ditu. Loiola Garmendiak, Eduardo Errondosorok, Manuel Romanok eta Enrique Otxoak osatzen duten laukoa ezaguna da oso musikaren munduan. Hamaika emanaldi eta ekitalditan parte hartu du Golden Apple Quartetek, eta haien ahots-joko, xelebrekeria eta erritmoarekin entzuleak bereganatzen iaioak direla erakutsi dute.

Ordiziako Musika Eskolak gonbidapen ugari banatu zuen guraso, lankide eta erakundeen artean eta gonbidatuek ez zien muzin egin. Oso gustu ona utzi zuen Golden Apple Quartetek ikusleen artean eta gaztetxoenek traje beltzek ematen zuten seriostasuna hausten zela ikusi eta ikasi zuten. Gozamena izan zen han bildu ziren guztientzat.

Ez zen giro atzo Ordizian! Inork ez zuen etxeratu nahi eta jende asko Garagardo Festara joan zen afaltzera; Musika Eskolakoek, berriz, Martinez jatetxean eman zioten bukaera urte luze eta aberats honi. Azken muturreraino zaindutako detaileak, gonbidatuen zerrenda atrilean, txartel dotoreak mahaian, lankideek jarri zuten giro goxoa…

Urte askotarako oparotasuna opa dizuegu denoi!